رحلة داخل نفسك احمد الكليسلي

كل بني آدم بنتعامل معاه عنده مفتاح للدخول وعنده تفاصيل صغيرة كثير لو بقيت فاهم طريقة التعامل معاه ممكن تساعده جدًا إنه دايما معاك يطلع أفضل نسخة ليه.. وهو ده اللى يهمك، لأن أنت قدرت تتحكم في الطريقة اللى هو “هيتعود” يعاملك بيها عشان ينفع يتعامل معاك … وكمان ساعدته أنه يكتشف أن عنده مفاتيح كتير في شخصيته ممكن تبقى غايبة عنه شخصيًا، احنا كمان محتاجين نفهم نفسنا. هو أنا ليه حساس كده؟ هو أنا ليه كلامي دبش كده؟ إيه اللى أنا بقوله ده! أسئلة كتير بتقعد تسألها لنفسك بعد كل موقف.. وتتكرر كتير وأنت مش فاهم نفسك ولا عارف إيه الأسباب، أحيانًا بتلاقي نفسك بتتصرف تصرفات عكس بعضها وأحيان ثانية تصرفات نمطية متكررة بجمود مش مفهوم رغم أنك عايز تتغير ومش عارف.. عايز تعمل حرفيًا عكس اللي بتعمله ومش عارف الكتاب اللي في إيدك ده معمول مخصوص علشان يجاوبك على الأسئلة دي وغيرها من الأسئلة، لكن من غير تعقيد ولا كلام كبير يدوخ. هنا هتلاقي شرح مبسط للأنماط الشخصية، وهتتعرف على نفسك أكثر، وكمان هتفهم الناس اللي حواليك.

جاهزين .. يلا بينا